بىزدە كەز كەلگەن اۋقىمدى شارا – «تاريح» دەپ سانالادى. مىسالى، «ەاەو» قۇرىلعانى – تاريح، كەدەندىك وداق – تاريح، سامميت وتكىزسەك – تاريح ت.س.س. مىنە، تاعى ءبىر جاڭا تاريحقا اياق باستىق. 19 جىلعى سوزىلعان كەلىسسوزدەر اياقتالىپ، قازاقستان دسۇ-عا مۇشە بولىپ كىردى. قازاقستان دۇنيەجۇزiلiك ساۋدا ۇيىمىنا مۇشەلiككە قابىلدانار تۇستا، وسى ءبىر كەدەندiك وداقتىڭ قاجەتi نە دەگەن زاڭدى سۇراق تۋىنداعانى راس. كەدەندiك وداققا كiرەردە “170 ميلليون حالىقتان تۇراتىن نارىق بiزگە ەسiگiن ايقارا اشادى” دەگەن ۇراندار كوتەرiلدi. وداقتاسىپ جۇرگەنىمىزگە ءبىراز ۋاقىت وتسە دە، ايتارلىقتاي وزگەرىس بايقالا قويعان جوق. ەندى مىنە، جەلتوقسان ايىنان باستاپ 160 ەلمەن جەڭiلدەتiلگەن ءتارتىپتى ەركiن ساۋدا ايماعى قۇرىلماق. دسۇ-دىڭ ارتىقشىلىعى دا وسى. ءجا، وسى تۇستا kazdata.kz اگەنتتىگىنىڭ اقپاراتتارىنا سۇيەنە وتىرىپ، «قامشى» پورتالى ەندى كو جانە ەەو تۇسىنداعى قازاقستاننىڭ يمپورتى مەن ەكسپورتىن سالىستىرىپ كوردى.
الەمدىك نارىق ۇزدىكسىز اينالىمدا. سونىڭ ءبىر مۇشەسى بولىپ، ۇزدىكسىز ساۋدا ساتتىققا ارالاسۋعا قازاقستان دا نيەت بىلدىرگەن بولاتىن. 19 جىلدان سوڭ، نيەتىمىز قابىل بولدى. دسۇ-عا كىرگەننەن سوڭ، ەكونوميكانىڭ ارتقان، ارتپاعاندىعىن بىلە جاتارمىز. ءقازىر، وزگە وداقتىڭ، ەەو-عا مۇشە بولعان جىلداعى قازاقستاننىڭ سىرتقى ساۋداداعى ۇلەسى ارتتى ما؟ الدە... سونىمەن قازاقستان قانداي ەلدەرگە تاۋارلارىن ساتىپ وتىر؟ ەڭ باستى ەكونوميكالىق سەرىكتەستەرىمىز كىمدەر؟ ولاردىڭ ورتاق نارىقتاعى ۇلەسى قانشا؟
قازاقستان اقش-قا قانداي تاۋارلارىن ساتىپ وتىر؟
ق ر قارجى مينيسترلىگىنىڭ مەملەكەتتىك كىرىستەر جونىندەگى كوميتەتى كەلتىرگەن مالىمەتتەرگە سۇيەنسەك، 2015 جىلدىڭ قاڭتار-مامىر ايلارىنداعى قازاقستاننىڭ اقش-قا ەكسپورتى – 148،2 ملن دوللاردى قۇراعان.
| بايىتىلعان ۋران | 32 ملن. $ |
| تابيعي وڭدەلمەگەن ۋران | 35،6 ملن. $ |
| فەرروحروم | 25 ملن. $ |
| وڭدەلمەگەن تانتال | 15،8 ملن. $ |
| سارى فوسفور | 13،7 ملن. $ |
| فەرروسيپيحوحروم | 5،6 ملن. $ |
| تيتان | 5،6 ملن. $ |
| شيكىزات تۇرلەرى | 4،2 ملن. $ |
| كرەمنيي | 2،2 ملن. $ |
| قۇرال-جابدىقتار (زاپچاستي) | 910،5 مىڭ $ |
| ارماتۋرا، ترۋبا ت.ب. | 856 مىڭ $ |
قازاقستاننىڭ ەاەو اياسى ەلدەرىمەن تاۋار اينالىمىنىڭ 2015 جىلعى كورسەتكىشى.
| ەاەو ەلدەرى | تاۋار اينالىم بارلىعى | پايىزدىق ۇلەسى | بيىلعى جىلعى پايىز | ەكسپورت بارلىعى | پايىزدىق ۇلەس | بىلتىرعى جىل |
| ارمەنيا | 403،1 | 0،0 | 47،1 | 387،2 | 0،0 | 48،1 |
| بەلورۋس | 43،201،6 | 3،0 | 76،1 | 39،964،0 | 0،7 | 60،1 |
| رەسەي | 1،390، 351،9 | 97،0 | 82،5 | 908،402،7 | 99،3 | 79،2 |
ءتۇيىن: ق ر ستاتيستيكا اگەنتتىگىڭ مالىمەتىنە سۇيەنسەك، 2015 جىلدىڭ ءساۋىر ايىنىڭ قورىتىندىسى بويىنشا قازاقستاننىڭ جالپى تاۋار اينالىمى - 6 730 678 ملن $-دى قۇراعان. ال وسى كەزەڭ ارالىعىنداعى قازاقستاننىڭ جالپى يمپورت كولەمى – 2 890 242 ملن. $-عا تەڭ كەلگەن. سىرتتان يمپورتالاتىن تاۋارلار اراسىندا ەڭ كوپ سۇرانىسقا يە بولعان كولىك جابدىقتارى، ەلەكتروتەحنيكالار ت.ب. بۇل جالپى تاۋار اينالىمىنىڭ 27،08%-ىن قۇراعان. ال ءساۋىر ايىنداعى قازاقستاننىڭ ەكسپورتى – 3 840 435 ملن. $-دى قۇراپ وتىر.
ال قازاقستانعا تاۋار يپتورتتاپ وتىرعان ەلدەرىڭ ىشىندە العاشقى ۇشتىككە – جۇڭگو، رەسەي جانە اقش كىرىپ وتىر. اقش بىزدەن تەك شيكىزات ونىمدەرىن ساتىپ الىپ وتىرعانىمەن، قازىرگى تاڭداعى ەڭ باستى سەرىگىمىز- رەسەي. بيىلعى جىلدىڭ ءساۋىر ايىنىڭ قورىتىندىسى بويىنشا يمپورت كولەمى:
رەسەي فەدەراسياسى – 908 321 مىڭ $.
جۇڭگو حالىق رەسپۋبليكاسى – 474 717 $.
اقش – 271 638 $.
نۇرگەلدى ءابدىعاني ۇلى
